Day: January 10, 2025

‘लाडकी बहीण योजनेचं आश्वासन महायुती कसं निभावणार? सत्ता स्थापनेनंतर महिनाभरातच का प्रश्न उपस्थित होतायेत?

बीडमधल्या मस्साजोग नावाच्या गावाचे सरपंच संतोष देशमुख यांची ९ डिसेंबरला अत्यंत क्रूर पद्धतीने हत्या करण्यात आली. या हत्येची चर्चा महाराष्ट्रभरात होते आहे. मागच्याच महिन्यात पार पडलेल्या हिवाळी अधिवेशनातही याचे पडसाद उमटले. संतोष देशमुख यांची हत्या झाल्यानंतर त्यांच्या मारेकऱ्यांना अटक करण्यात आली. एक मारेकरी अद्यापही फरार आहे. तसंच धनंजय मुंडे यांचा जवळचा असलेला वाल्मिक कराड हा देखील पोलिसांना शरण आला आहे. दरम्यान धनंजय मुंडेंनी राजीनामा देण्याचीही मागणी होते आहे. तसंच बीड, जालना या ठिकाणी निषेध मोर्चेही निघत आहेत. आज जालना या ठिकाणी निघालेल्या निषेध मोर्चात संतोष देशमुख यांच्या मुलीला अश्रू अनावर झाले.

उद्धव ठाकरेंचं वक्तव्य, “ज्यांनी बाळासाहेब ठाकरेंचे विचार सोडले नाहीत ते सगळेजण…शिवसेना उद्धव ठाकरे पक्षाचे प्रमुख उद्धव ठाकरे यांनी आज महापौर बंगला या ठिकाणी बाळासाहेब ठाकरेंच्या स्मारकाची पाहणी केली. त्यानंतर त्यांनी पत्रकरांशी संवाद साधला. उद्धव ठाकरे म्हणाले, “बाळासाहेब ठाकरेंच्या स्मारकाचा पहिला टप्पा पूर्ण झाला आहे. दुसऱ्या टप्प्याचं कामही सुरु झालं आहे तसंच गेल्या काही वर्षांपासून याबाबत चर्चाही सुरु आहे. आर्टिटेक्ट आभा लांबा आणि टाटा प्रोजेक्ट यांचे धन्यवाद देतो. कारण हे काम आत्ता छान वाटतं आहे पण ते करणं जिकिरीचं होतं. एक महत्त्वाचा योगायोग म्हणजे या स्मारकाच्या शेजारीच स्वातंत्र्यवीर सावरकर यांचंही स्मारक आहे. महापौर बंगला या वास्तूशी आम्ही भावनिकरित्या जोडलो गेलो आहोत” असं उद्धव ठाकरे यांनी म्हटलं आहे.

 सुरेश धस यांचं वक्तव्य; “मुन्नी म्हणजे राष्ट्रवादीतला एक पुरुष, त्या मुन्नीने कुठेही चर्चेला यावं, मी…”संतोष देशमुख यांच्या हत्या प्रकरणाचे पडसाद राज्यभरात उमटत आहेत. तसंच या प्रकरणात वाल्मिक हे नावही चर्चेत आलं आहे. सुरेश धस यांनी संतोष देशमुखांच्या मारेकऱ्यांचा विषय लावून धरला आहे. तसंच त्यांनी राष्ट्रवादी काँग्रेसची बडी मुन्नी असा एक उल्लेख केला होता. ज्याबाबत अजित पवार यांना विचारलं असता त्यांनी बडी मुन्नी कोण? हे सुरेश धस यांनाच विचारा. असं म्हणत अजित पवार यांनी संताप व्यक्त केला होता. आता पुन्हा एकदा सुरेश धस यांनी मुन्नी कोण हे मुन्नीला कळलं आहे आणि मुन्नी म्हणजे पुरुष आहे असं म्हटलं आहे.

“चंद्रपूरचे आपण सगळेच वाली! कुणीही सुग्रीव नाही, मी कुणासारखा जोक…”; देवेंद्र फडणवीसांचा उद्धव ठाकरेंना टोला?देवेंद्र फडणवीस यांनी एक भाषण चंद्रपूरच्या कार्यक्रमात केलं. त्यावेळी देवेंद्र फडणवीस यांनी उद्धव ठाकरेंना टोला लगावला आहे.

शिवसेनेला पुणेकरांचा ‘जय महाराष्ट्र’?गेल्या निवडणुकीत जेमतेम दहा नगरसेवकपर्यंत मजल मारणाऱ्या एकसंध शिवसेनेपैकी शिवसेना (शिंदे) पक्षाकडे अवघा एक नगरसेवक. शिवसेना (ठाकरे) पक्षाकडे राहिलेल्या नऊपैकी एकाने काँग्रेस गाठली आणि आता पाचजणांनी भाजपचा आसरा घेतला.

रविवारीही काम करण्याचा सल्ला देणाऱ्या L&T च्या अध्यक्षांना कर्मचाऱ्यांपेक्षा ५०० पट अधिक वेतन, २०२३-२४ साठी मिळाले ५१ कोटी रुपये.