दक्षिण आफ्रिकेने कसोटी मालिकेतील पहिल्या सामन्यात पाकिस्तानचा २ गडी राखून पराभव केला. या विजयासह त्याने जागतिक कसोटी चॅम्पियनशिपच्या अंतिम फेरीत धडक मारली आहे.
SA vs PAK South Africa qualified World Test Championship Final 2025 : सेंच्युरियन कसोटी सामन्यात दक्षिण आफ्रिकेने पाकिस्तानचा २ विकेट्सनी जागतिक कसोटी चॅम्पियनशिपच्या अंतिम फेरीत धडक मारली आहे. दक्षिण आफ्रिका अंतिम फेरीत पोहोचणारा पहिला संघ ठरला आहे. सुपरस्पोर्ट्स पार्क येथे खेळल्या गेलेल्या दोन कसोटी सामन्यांच्या मालिकेतील पहिल्या सामन्यात पाकिस्तानने दक्षिण आफ्रिकेसमोर केवळ १४८ धावांचे छोटे लक्ष्य ठेवले होते. दक्षिण आफ्रिकेने १५० धावा करत सामना जिंकला. दक्षिण आफ्रिकेच्या या विजयात एडन मार्करम आणि रबाडा-यान्सन जोडीने महत्त्वाची भूमिका बजावली.
दक्षिण आफ्रिका WTC फायनलमध्ये दाखल
सुपरस्पोर्ट्स पार्क येथे खेळल्या गेलेल्या दोन कसोटी सामन्यांच्या मालिकेतील पहिल्या सामन्यात पाकिस्तानने पहिल्या डावात २११ आणि दुसऱ्या डावात २३७ धावा केल्या होत्या. दक्षिण आफ्रिकेने पहिल्या डावात ३०१ धावा आणि दुसऱ्या डावात १५० धावा करत सामना जिंकला. वेगवान गोलंदाजांना विकेटवरून मिळत असलेल्या मदतीमुळे यजमानांना माफक लक्ष्यही गाठतानाही संघर्ष करावा लागला. मात्र, शेवटी मार्को यान्सेन (२४ चेंडूत १६ धावा) आणि कागिसो रबाडा (२६ चेंडूत ३१ धावा) यांनी नवव्या विकेटसाठी ५० चेंडूत ५१ धावांची नाबाद भागीदारी करत दक्षिण आफ्रिकेला ऐतिहासिक विजय मिळवून दिला.
