Day: December 19, 2024

विधानपरिषदेच्या सभापतीपदी राम शिंदे यांची बिनविरोध निवड, मुख्यमंत्री आणि उपमुख्यमंत्र्यांच्या स्वीकारला पदभार.
राम शिंदे यांची महाराष्ट्र विधानपरिषदेचे सभापती म्हणून बिनविरोध निवड झाली आहे. कर्जत-जामखेडमधून विधानसभा निवडणुकीतील पराभवानंतर त्यांना हे पद मिळाले. नीलम गोऱ्हे यांनी त्यांच्या निवडीची घोषणा केली. मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि अजित पवार यांच्या उपस्थितीमध्ये त्यांनी पदभार स्वीकारला.

मुंबई केंद्रशासित प्रदेश घोषित करा, काँग्रेस आमदाराची मागणी, आदित्य ठाकरे भडकले, महाराष्ट्राचा…

कर्नाटक राज्यातील काँग्रेसचे आमदार लक्ष्मण सौदी यांनी मुंबईलाही केंद्रशासित प्रदेश करा अशी मागणी केली आहे.

 मुंबईला केंद्रशासित प्रदेश जाहीर करण्याची मागणी करणाऱ्या आमदाराला बरखास्त करा, अशी मागणी शिवसेना ठाकरे गटाचे आमदार आदित्य ठाकरे यांनी गुरुवारी विधानभवन परिसरात प्रसारमाध्यमांच्या प्रतिनिधींशी बोलताना दिली. दोन दिवसांपासून महाराष्ट्र एकीकरण समितीद्वारे बेळगावच्या सीमावर्ती भागाला केंद्रशासित प्रदेश जाहीर करा, अशी मागणी सरकारकडे केली आहे. तर कर्नाटक राज्यातील काँग्रेसचे आमदार लक्ष्मण सौदी यांनी मुंबईलाही केंद्रशासित प्रदेश करा अशी मागणी केली आहे.

नीलकमल बोट अपघात प्रकरणी मोठी अपडेट समोर, नौदलाच्या स्पीड बोट चालकाविरोधात गुन्हा दाखल.

मुंबईतील गेट वे ऑफ इंडियाजवळ नौदलाच्या स्पीड बोटीने प्रवासी फेरी बोटीला धडक दिल्याने भीषण अपघात झाला. या दुर्घटनेत १३ जणांचा मृत्यू झाला असून, ११५ प्रवाशांना वाचवण्यात आले. नौदलाच्या स्पीड बोटीचे नियंत्रण सुटल्याने हा अपघात झाल्याचे सांगण्यात येत आहे. याप्रकरणी कुलाबा पोलिसांनी नौदलाच्या अधिकाऱ्यांविरुद्ध गुन्हा दाखल केला आहे. बचावकार्य सुरू असून, बेपत्ता प्रवाशांचा शोध घेतला जात आहे.