Day: January 14, 2025

“तो अजूनही तिथेच बसला आहे…” वाल्मिक कराडवरील मकोका आणि परळी बंदवर जितेंद्र आव्हाडांची मोठी प्रतिक्रिया…बीड जिल्ह्यातील केज न्यायालयाने खंडणी प्रकरणातील आरोपी वाल्मिक कराडबाबत मोठा निर्णय दिला आहे. वाल्मिक कराडवर मकोका कायद्यांतर्गत कारवाई केली जाणार आहे. त्याचबरोबर कराडची १४ दिवसांसाठी न्यायालयीन कोठडीत रवानगी करण्यात आली आहे. खंडणी प्रकरणाबाबत वाल्मिक कराड याला आज (१४ जानेवारी) बीडच्या केज न्यायालयात हजर करण्यात आलं होतं.

वाल्मिक कराडवर मकोका दाखल होताच अजित पवारांची मोठी प्रतिक्रिया; म्हणाले, “दोषींना…”बीड जिल्ह्यातील मस्साजोग गावचे सरपंच संतोष देशमुख हत्या प्रकरणात सात आरोपींना अटक झाली असून त्यांच्यावर मकोका दाखल करण्यात आला होता. मात्र खंडणी प्रकरणी अटकेत असलेल्या वाल्मिक कराडवरही मकोका दाखल करण्यात यावा, अशी मागणी गेल्या काही दिवसांपासून केली जात होती. संतोष देशमुख यांचे कुटुंबियांनीही यासाठी आक्रमक पवित्रा घेतला होता. त्यानंतर आज वाल्मिक कराडवर मकोका दाखल करण्यात आला असून त्याला १४ दिवसांच्या न्यायालयीन कोठडीत पाठविण्यात आले आहे. यानंतर राष्ट्रवादी काँग्रेस (अजित पवार) पक्षाचे राष्ट्रीय अध्यक्ष आणि उपमुख्यमंत्री अजित पवार यांनी माध्यमांना प्रतिक्रिया देताना सदर कारवाईवर समाधान व्यक्त केले.

वाल्मिक कराडवर मकोका, परळी बंदची हाक; सुरेश धस म्हणाले, “SIT ने आता…”संतोष देशमुख हत्या प्रकरणात वाल्मिक कराडवरही मकोका दाखल करण्यात यावा, अशी मागणी गेल्या काही दिवसांपासून केली जात होती. संतोष देशमुख यांचे कुटुंबियांनीही यासाठी आक्रमक पवित्रा घेतला होता. त्यानंतर आज वाल्मिक कराडवर मकोका दाखल करण्यात आला असून त्याला १४ दिवसांच्या न्यायालयीन कोठडीत पाठविण्यात आले आहे. यानंतर परळीत मात्र कराड समर्थक आक्रमक झाले असून परळी बंदची हाक देण्यात आली आहे. राज्य सरकारनेही खबरदारी म्हणून २९ जानेवारी पर्यंत प्रतिबंधात्मक उपाय योजले असून जमावबंदी लागू केली आहे.

“एका वाया गेलेल्या मुलाबरोबर…” आंदोलनाला बसलेल्या वाल्मिक कराडच्या आईला अंजली दमानियांचे ६ प्रश्न..बीडच्या मस्साजोगचे सरपंच संतोष देशमुख यांच्या हत्येशी संबंधित खंडणी प्रकरणात वाल्मिक कराड याच्याविरुद्ध महाराष्ट्र सीआयडीने मंगळवारी महाराष्ट्र संघटित गुन्हेगारी नियंत्रण कायद्याअंतर्गत (मकोका) गुन्हा दाखल केला आहे. सरपंच संतोष देशमुख यांच्या कुटुंबीयांकडून आणि विविध राजकीय पक्षांकडून सतत दबाव येत असल्याने महाराष्ट्र सरकारने सीआयडीला वाल्मिक कराडवर मकोका अंतर्गत गुन्हा दाखल करण्याचे आदेश दिले होते. यानंतर परळीमध्ये तणावाचे वातावरण निर्माण झाले असून, वाल्मिक कराडच्या आईसह त्याच्या समर्थकांनी परळी पोलीस ठाण्यासमोर ठिय्या आंदोलन केले. यावेळी कराडच्या आईने, माझ्या लेकावरचे गुन्हे मागे घतले जात नाही तोपर्यंत मी इथून हलणार नसल्याचे म्हटले आहे.