मुंबई मधील चांदीवली येथील म्हाडा वसाहती मधील निसर्ग हौसिंग सोसायटी, इमारत क्रमांक 10 मधील दोन माळ्यांचा स्लॅब कोसळला आहे. सुदैवाने या दोन्ही घरात कोणी रहाण्यास नव्हते म्हणून कोणतीही प्रकारची जीवितहानी झाली नाही. सुमारे 30 वर्षे जुनी ही इमारत आहे.
या वसाहतीतील इमारतीच्या 105 क्रमांक च्या घरात दुरुस्तीचे काम सुरू होते. सुदैवाने ही दुर्घटना घडली तेव्हा फक्त एक मजूर घरात होता बाकी दोन्ही घरात कोणी नव्हते. अचानक 205 पासून थेट स्लॅब खाली आला तो दुसऱ्या घराच्या ही खाली कोसळला. घटनेची माहिती मिळताच अग्निशमन दल, स्थानिक पोलीस घटनास्थळी दाखल झाले. या जुन्या झालेल्या इमारती बाबत आता दुरुस्तीची मागणी करण्यात येत आहे.
